საქართველოს პარლამენტის რიგგარეშე სხდომა 13 მარტს გაიმართება. ინფორმაცია სხდომის დანიშვნის შესახებ საქართველოს პრეზიდენტის ოფიციალურ ვებგვერდზე განთავსდა.
საქართველოს პრეზიდენტის განკარგულებით, საქართველოს კონსტიტუციის 61-ე მუხლის მე-2 პუნქტის შესაბამისად, საქართველოს პარლამენტის რიგგარეშე სხდომა 13 მარტის, 12:00 საათზე დაინიშნა.
განკარგულების მიხედვით, პარლამენტის რიგგარეშე სხდომაზე განსახილველი საკითხი ეროვნული ვალუტის, ლარის კურსის სტაბილიზაციისკენ მიმართული ღონისძიებები იქნება.
სამაუწყებლო კომპანია რუსთავი 2. ყველა უფლება დაცულია
