რუსული და უკრაინული მედია ვიქტორ იანუკოვიჩის შვილის დაღუპვის შესახებ ავრცელებენ ინფორმაციას.
სააგენტოების ცნობით, უკრაინის ყოფილი პრეზიდენტის შვილი და მისი 5 მეგობარი ბაიკალის ტბაზე იმყოფებოდნენ, როდესაც მათი ავტომობილი ყინულიდან გადაცურდა და ტბაში ჩაიძირა.
ანონიმურ წყაროზე დაყრდნობით მედია წერს, რომ ინციდენტს, იანუკოვიჩის გარდა, ყველა გადაურჩა.
განსხვავებულ ინფორმაციას ავრცელებს ”იტარ-ტასი,” სააგენტოს ცნობით, ბაიკალის სამაშველო სამსახურმა ვიქტორ იანუკოვიჩის შვილის გარდაცვალება უარყო. მაშველების თქმით, 20 მარტს მომხდარი ავტოკატასტროფის შედეგად დაღუპულთა და დაშავებულთა შორის იანუკოვიჩის გვარით არავინ ყოფილა.
სამაუწყებლო კომპანია რუსთავი 2. ყველა უფლება დაცულია
