საერთაშორისო ორგანიზაცია IRI დაინტერესდა, როგორია თბილისელების განწყობა ქალაქის მერისა და საკრებულოს მიმართ.

ჩატარებულმა კვლევამ აჩვენა, რომ თბილისელებს უჭირთ, შეაფასონ ქალაქის მთავრობისა და საკრებულოს საქმიანობა.

თბილისელების 26% ფიქრობს, რომ დავით ნარმანიას მიღწევები არა აქვს, 66%-ს უჭირს მერის, ხოლო 47%-ს საკრებულოს საქმიანობის შეფასება.

გამოკითხულთა მხოლოდ 3% ფიქრობს, რომ დედაქალაქის მერის საქმიანობა წარმატებულია, საკრებულოს საქმიანობას კი პოზიტიურად 18% აფასებს, 25% კი მათ საქმიანობას ნეგატიურად მიიჩნევს.