პანკისის ხეობიდან სირიაში ახალგაზრდების გაგზავნასთან დაკავშირებით აღძრულ სისხლის სამართლის საქმეზე, კახეთის საინფორმაციო ცენტრის ხელმძღვანელი გელა მთივლიშვილი შინაგან საქმეთა სამინისტროს კონტრტერორისტულ ცენტრში მოწმის სახით დაკითხვაზე დაიბარეს.
როგორც მთივლიშვილმა "რუსთავი 2"-თან საუბრისას განაცხადა, ის ჩვენების მისაცემად დღეს 15 საათზეა დაბარებული.
"რამდენიმე წუთს წინ ჩემთან კახეთში ჩამოვიდნენ კონტრტერორისტული ცენტრის თანამშრომლები და ჩამაბარეს უწყება, რომ დაკითხვაზე ვარ დაბარებული მოწმის სახით", - განუცხადა მთივლიშვილმა "რუსთავი 2"-ს.
უწყების მიხედვით, რომელიც ჟურნალისტს რამდენიმე წუთის წინ ჩაბარდა, საქმეს შსს კონტრტერორისტული ცენტრის მეორე მთავარი სამმართველოს განსაკუთრებით მნიშვნელოვან საქმეთა ინსპექტორ–გამომძიებელი უსუფ თვალიაშვილი იძიებს.
სამაუწყებლო კომპანია რუსთავი 2. ყველა უფლება დაცულია
