საქართველოს დიპლომატიურ კორპუსს საგარეო საქმეთა მინისტრის მოადგილე, დავით ზალკალიანი დავალებებს მისცემს, თუ როგორ უნდა იმუშაონ საერთაშორისო საზოგადოებასთან.    

ამის შესახებ ცნობილი დღეს პრემიერ-მინისტრთან გამართული შეხვედრის შემდეგ გახდა, რომელსაც დიპლომატიური კორპუსის წარმომადგენლებიც ესწრებოდნენ და იმსჯელეს როგორც რუსეთ-აფხაზეთს შორის ახალი ხელშეკრულების გაფორმების, ასევე აბაშიძე-კარასინის მოლაპარაკებების ფორმატის შენარჩუნების საკითხთან დაკავშირებით.

ჯერ-ჯერობით უცნობია, კონკრეტულად როგორ შეიცვლება დიპლომატიური კორპუსის ინსტრუქცია. მაგრამ ფაქტია, რომ დღევანდელი შეხვედრის შემდეგ ზოგადად მთავრობის პოლიტიკასთან დაკავშირებით თავდაცვის მინისტრმა, ირაკლი ალასანიამ თქვა, რომ "მთავრობის საგარეო პოლიტიკა აგრესიული გახდება".