ბათუმის ნავთობტერმინალის მიმდებარე ტერიტორიაზე ხანძარი გაჩნდა. ხანძარი, ამ ეტაპზე, ლიკვიდირებულია. 

ადგილზე სახანძრო-სამაშველო სამსახურის რამდენიმე ბრიგადაა მობილიზებული, ხანძრის შედეგად არავინ დაშავებულა. ადგილზე იმყოფებიან სამართალდამცველებიც.

ხანძრის გამომწვევი მიზეზები ჯერჯერობით უცნობია, თუმცა ცნობილია, რომ თავდაპირველად ცეცხლი სატვირთო ვაგონს გაუჩნდა.