საქართველო რუსეთისგან 70 მილიონ ევროზე მეტს ითხოვს. "განცდილი მორალური ზიანის ანაზღაურების მიზნით საქართველო რუსეთის ხელისუფლებისაგან 70,320,000 ევროს ითხოვს. ეს ოდენობა ეფუძნება მსგავს საქმეებზე სტრასბურგის სასამართლოს მიერ გამოტანილ პრეცედენტულ გადაწყვეტილებებს,"-ამის შესახებ იუსტიციის სამინისტროს მიერ გავრცელებულ განცხადებაშია ნათქვამი.

"მითითებული დოკუმენტი ეფუძნება 2014 წლის 3 ივლისს ადამიანის უფლებათა ევროპული სასამართლოს მიერ საქმეზე − „საქართველო რუსეთის წინააღმდეგ“ − გამოტანილ გადაწყვეტილებას, რომლითაც ქართველების უფლებების დარღვევების არაერთი ფაქტი დადგინდა,"-ნათქვამია სამინისტროს მიერ გავრცელებულ განცხადებაში. 

დღეს ამოიწურა ვადა, რომელშიც რუსეთს საქართველოს მოქალაქეებისთვის კომპენსაცია უნდა გადაეხადა. ლაპარაკია 2006 წლის ცნობილ მოვლენებზე, როდესაც რუსეთმა საქართველოს მოქალაქეების მასობრივი დეპორტაცია მოახდინა.