საქართველოს პრეზიდენტმა გიორგი მარგველაშვილმა ოლიმპიური ფესტივალის დაწყება მოქალაქეებს სოციალურ ქსელში ფეისბუქით მიულოცა. მან სპორტსმენებს წარმატება უსურვა. მარგველაშვილმა განაცხადა, რომ ქართული სპორტის ისტორიაში მნიშვნელოვანი დღეა და აღნიშნა, რომ განსაკუთრებით ქართველ ოლიმპიელებს გულშემატკივობს.
ის ოლიმპიადის გახსნის ცერემონიალს არ ესწრებოდა. მიზეზების გასარკვევად პრეზიდენტის ადმინისტრაციის თანამშრომელს სოფო ჯაჯანაშვილს დავუკავშირდით. კითხვაზე, თუ რატომ არ დაესწრო პრეზიდენტი გახსნის ცერემონიალს, მან „რუსთავი 2“-ს განუცხადა, რომ ამ საკითხზე ინფორმაციისთვის ოლიმპიურ კომიტეტს უნდა დავუკავშირდეთ. ჯერჯერობით კომიტეტთან დაკავშირება ვერ მოვახერხეთ.
კითხვით თუ რატომ არ იმყოფებოდა პრეზიდენტი ახალგაზრდული ოლიმპიადის გახსნაზე თბილისის მერსაც მივმართეთ. დავით ნარმანია ამბობს, რომ მას ამის შესახებ ინფორმაცია არ აქვს.
სამაუწყებლო კომპანია რუსთავი 2. ყველა უფლება დაცულია
