ეროვნული გმირის, ჟიული შარტავას ხსოვნას პატივი მიაგო სასჯელაღსრულებისა და პრობაციის მინისტრმა. სოხუმის დაცემის დღესთან დაკავშირებით კახა კახიშვილმა ეროვნული გმირის საფლავი გვირგვინით შეამკო და საქართველოს ტერიტორიული ერთიანობისთვის დაღუპული გმირის ოჯახის წევრებს შეხვდა.
ჟიული შარტავა 1993 წლის 27 სექტემბერს, აფხაზეთში შეიარაღებული კონფლიქტის დროს, უშუალოდ ხელმძღვანელობდა მთავრობის სახლის დაცვის ოპერაციას. ის აფხაზებმა 30-მდე თანამებრძოლთან ერთად ტყვედ აიყვანეს და დახვრიტეს.
სამაუწყებლო კომპანია რუსთავი 2. ყველა უფლება დაცულია
