"ამ ყველაფრის სამიზნე მე ვარ,“ - ასე გამოეხმაურა კიდევ ერთხელ ირაკლი ალასანია ე.წ კაბელების საქმის შესწავლის პროცესს. ყოფილი თავდაცვის მინისტრი ფიქრობს, რომ გამოძიების ინტერესები პირადად მას უკავშირდება. 

"არაფერს გამოვრიცხავ, ყველაფერს ველოდები და პირიქით, მე ხომ ვიცი, რომ ამ ყველაფრის სამიზნე მე ვარ. ამიტომაც მინდა ყველამ იცოდეს, რომ ის უდანაშაულო ბიჭები უნდა გამოვიდნენ და თუ რამე შეკითხვა აქვთ, ჩემთან მოვიდნენ," - განუცხადა ალასანიამ ჟურნალისტებს.