ყოფილი პრემიერის ბიძინა ივანიშვილის ორგანიზაცია ”მოქალაქე” ახალ პროექტებს იწყებს. ჟურნალისტების შემდეგ პროგრამები სტუდენტებისთვისაა გათვალისწინებული. პროექტები ”სამოქალაქო განათლების ოლიმპიადა” და ”სტუდენტები თვითმმართველობისათვის” თითო-თითო მილიონი ლარით იქნება დაფინანსებული. განცხადება პროექტების ბიუჯეტთან დაკავშირებით თავად ბიძინა ივანიშვილმა გააკეთა.

ივანიშვილის აზრით, პროექტები ახალგაზრდებს ხელს შეუწყობს გაიღრმაონ ცოდნა ამა თუ იმ საკითხში და აქტიური მონაწილეობა მიიღონ სახელმწიფოს მართვაში.