შსს, რომლის დაფინანსება 2015 წელსაც, წლევანდელის მსგავსად, 600 მილიონი ლარი იქნება, მომავალი წლისთვის დაფინანსების გაზრდას ითხოვს.  

ამის შესახებ პარლამენტში 2015 წლის ბიუჯეტის პროექტის საკომიტეტო განხილვებისას შსს-ს წარმომადგენელი ჟურნალისტებს ესაუბრა.

შს მინისტრის მოადგილის დავით ხუციშვილის თქმით, მის უწყებას დაახლოებით 40 მილიონის დამატება სჭირდება.

„დაფინანსების გაზრდას სამინისტროს ბევრი დანაყოფი საჭიროებს. საჭიროება დიდია - იქნება ეს ინფრასტრუქტურული პროექტები, აღჭურვილობა, საშტატო რიცხოვნობა და ასე შემდეგ," - აცხადებს  დავით ხუციშვილი და დასძენს, რომ, შსს-ს თანამშრომელთა სიმრავლიდან გამომდინარე, მომავალი წლისთვის ხელფასების ზრდა არ იგეგმება.