იური ვაზაგაშვილის მკვლელობაში ბრალდებულ გიორგი სოსანაშვილს, აღკვეთის ღონისძიების სახით პატიმრობა მიესაჯა. 

სასამართლომ გადაწყვეტილება რამდენიმე წუთის წინ გამოაცხადა. წინასასამართლო სხდომა 2 აპრილს, 12:00 საათზე დაინიშნა.

შეგახსენებთ, რომ გიორგი სოსანაშვილს ბრალი 109-ე, დამამძიმებელ გარემოებებში განზრახ მკვლელობის მუხლით აქვს წაყენებული. 

ის სამართალდამცველებმა გუშინწინ დააკავეს. სოსანაშვილი იური ვაზაგაშვილის აფეთქების ადგილზე ასაფეთქებელ მოწყობილობაზე დნს-ის კვალის აღმოჩენის საფუძველზე დააპატიმრეს.