შსს-ს აჭარის მთავარი სამმართველოს თანამშრომლებმა თურქეთის რესპუბლიკის მოქალაქე დააკავეს.
იუსუფ ო. სარფის საბაჟო გამშვებ პუნქტზე დააკავეს. სამართალდამცველებმა დაკავებულის კუთვნილი სატვირთო ავტომანქანის ჩხრეკისას, 9 ათას 600 აბი ნარკოტიკული საშუალება „ტრამადოლი” ამოიღეს.
გამოძიებამ დაადგინა, რომ აღნიშნული სატვირთო ავტომანქანა ტრანზიტული მარშრუტით სომხეთის რესპუბლიკაში მიდიოდა.
გამოძიება დიდი ოდენობით ნარკოტიკული საშუალების უკანონო შეძენა-შენახვის და დიდი ოდენობით ნარკოტიკული საშუალების საქართველოში შემოტანის, ან ტრანზიტით საერთაშორისო გადაზიდვის ფაქტზე, ორი მუხლით მიმდინარეობს.
სამაუწყებლო კომპანია რუსთავი 2. ყველა უფლება დაცულია
